|

Сэлэнгийн Ерөө сумын Засаг дарга М.Ганбаатарыг баривчилжээ

Сэлэнгэ аймгийн Ерөө сумын Засаг дарга М.Ганбаатарыг цагдан хорьсон байна. Учир нь түүнийг хувиараа алт олборлогчидтой хууль бус гэрээ байгуулсан, албан тушаалаа урвуулан ашигласан хэрэгт буруутгажээ.

М.Ганбаатарыг Шүүхийн шийдвэр гүйцэтгэх ерөнхий газрын харьяа Урьдчилан хорих 461 дугаар ангид хорьжээ.  Түүнийг сумын Засаг даргын эрх мэдэл, албан тушаалаа урвуулан ашиглаж, хуулиар хориглосон газарт 90 гаруй аж ахуйн нэгжүүдийг оруулж олборлолт явуулсан гэж үзэн эрүүгийн хэрэг үүсгэн шалгаж эхэлсэн байна.

Алт олборлогчдод үйл ажиллагаа явуулах зөвшөөрөл олгосноор Ерөө сумын Бугант тосгоны Агуйт хэмээх газарт алт олборлогчид ажиллаж, 60 га газрын мод сүйтгэсэн гэдэг мэдээлэл байгаа юм. БОАЖЯ-наас дээрх хуулиар хориглосон газарт олборлолт явуулж, байгаль экологийн тэнцвэрт байдлыг алдагдуулж буй аж ахуй нэгжүүдийн үйл ажиллагааг зогсоож, тусгай зөвшөөрлийг цуцлах шийдвэр гаргасан аж. Түүнчлэн Агуйт хэмээх газраас олон тооны хувиараа алт олборлогчдыг саатуулан шалгаж байгаа юм байна.

Т.Амартүвшин
Эх сурвалж: Zindaa.mn 
* /заавал/
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *
Click on the image to refresh the code if it cannot be viewed
өөр код авах бол зураг дээр дарна уу