|

Улаанбаатар Дархан чиглэлийн “зам”-ыг муулахыг хориглоно

Улаанбаатар Дархан чиглэлийн “зам”-ыг муулахыг хориглоно

 

Зам тээврийн хөгжлийн яамнаас Улаанбаатар Дархан чиглэлийн замын асуудлаар сөрөг мэдээлэл гаргахгүй байхыг шаарджээ. Өнгөрсөн оны зун намрын турш зам хааж зассан нэртэйгээр олон нийтийн бухимдуулсан уг замын ажил ирэх сараас эхлэх товтой байгаа.  Гэсэн ч энэ хугацаа дахин хойшилж, өнгөрсөн жилийн түүх давтагдаж магадгүй байдал үүслээ.

Сануулахад, Улаанбаатар-Дархан чиглэлийн 204.11 километр авто замын өргөтгөл, шинэчлэлтийн ажил Азийн хөгжлийн банкны хөнгөлөлттэй зээлийн хөрөнгөөр хэрэгжиж буй. Гүйцэтгэгчийг АХБ-ны Худалдан авах ажиллагааны журмын дагуу 5 багц хэсэгт хувааж, тус банкны зөвлөхүүдийн хяналтан дор сонгон шалгаруулалтыг явуулж, АХБ-ны зөвшөөрлийг үндэслэн гэрээ байгуулсан байдаг. Гэвч зун намаржин зам хаасны эцэст зам барилгын ажлын 30 гаруй хувийг хийж гүйцэтгэсэн гэж байгаа.  Харин энэ жил уг замын ажлын сонгуулиас өмнө дуусгах төлөвлөгөөг Зам тээврийн хөгжлийн яамнаас гаргаад байсан. Гэвч БНХАУ-д гарсан коронавирусын дэгдэлт, тархалтын улмаас товлосон хугацаандаа гадаад ажиллах хүчийг оруулж ирэх боломжгүй нөхцөл байдал үүсээд байна.

Одоогоор эрсдэлтэй байгааг харгалзан дотоодын аж ахуйн нэгжүүдийн нөөц, хүчээр гүйцэтгүүлэх боломжийг судалж эхэлсэн гэж байгаа. Ирэх сард эхлэхээр товлосон замын ажлыг хийх компани одоогоор тодорхойгүй байгаа гэсэн үг юм. Хуучин замыг хуулснаас үүдэн Дархан Улаанбаатар чиглэлд зорчих нь эрсдэл өндөртэй асуудал болоод байна. Гэтэл  салбар яамнаас там болгосон замаа муулахгүй байхыг шаардаж байна. Алдаа гаргасан бол үүрэг хариуцлагаа хүлээх нь зайлшгүй. Эхнээсээ тооцоо судалгаатай, хариуцлагатай хандаагүй нь 100 хувь хариуцсан яамны буруу гэдгийг давтан сануулах нь илүүц биз.
 

О.ОНОН
Olloo.mn
 
* /заавал/
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *
Click on the image to refresh the code if it cannot be viewed
өөр код авах бол зураг дээр дарна уу