Дархан-Уул аймгийн  "Авто  вокзалын  хажуугийн  эзэнгүй  хашаанд өлгийтэй нярай хүүхэд хаясан байна” гэсэн дуудлага, мэдээлэл Цагдаагийн байгууллагад тавдугаар сарын 3-ны 12.50 цагт бүртгэгдэж, улмаар хүүхдээ хаясан эхийг олж, тогтоон холбогдох мөрдөн шалгах ажиллагааг явуулж байгаа талаар бид өмнө нь мэдээлсэн. Холбоотой мэдээллийг ЭНД ДАРЖ уншина уу. 

Тэгвэл 5-7 хоногтой эрэгтэй нярай хүүхэд хаясан эмэгтэйд прокурорын байгууллагаас яллах дүгнэлт үйлдэж, хэргийг шүүхэд шилжүүлсэн байна.

Тодруулбал, Дархан-Уул аймгийн прокурорын газраас иргэн Н.М нь асран хамгаалах, харгалзан дэмжих үүргээсээ зайлсхийж  нярай хүүхдээ хаясан гэх хэрэгт Эрүүгийн хуулийн 16.3 дугаар зүйлийн 1 /Хүүхдийг хаях, төөрүүлэх, тэнүүчлэлд хүргэх/-д заасны дагуу яллах дүгнэлт үйлдэн тус аймаг дахь сум дундын Эрүүгийн хэргийн анхан шатны шүүхэд шилжүүлжээ.