|

Хятад юанийн ханшаа бууруулав

Хятадын Ардын банк ам.доллартай харилцах юанийн албан ёсны ханшийг 6,4140 болгон бууруулжээ. Энэ нь 2011 оны наймдугаар сараас хойш хамгийн бага төвшинд хүрсэн тохиолдол юм.

Өнгөрсөн зун Хятадын Ардын банкнаас нэг ам.доллартай харилцах юанийн ханшийг 1.9 хувиар бууруулж, 6,2298 болгосон билээ. Энэ нь сүүлийн 20 жилийн хугацаанд юанийг хамгийн огцом бууруулсан тохиолдол аж. Хятадын эрх баригчид юанийн гадаад валюттай харилцах ханшийн тогтолцоог шинэчлэх ажлаа үргэлжлүүлнэ гэдгээ өнгөрсөн есдүгээр сард мэдэгдсэн.

Мөн өнгөрсөн сард ОУВС юанийг тус сангийн нөөцийн валютын тоонд оруулахаар шийдвэрлсэн юм. Хятадын юань ОУВС- гийн сагсанд 10.92, ам.доллар 41.73, евро 30.93, японы иен 8.33, фунт стерлинг 8.09 хувийг тус тус эзлэх аж.

С.Ням