|

АВЛИГЫН ТОМООХОН ХЭРГҮҮДИЙГ ӨӨГШҮҮЛСЭН НЬ МУУ ҮНЭЛГЭЭ АВАХАД НӨЛӨӨЛӨВ

АВЛИГЫН ТОМООХОН ХЭРГҮҮДИЙГ ӨӨГШҮҮЛСЭН НЬ МУУ ҮНЭЛГЭЭ АВАХАД НӨЛӨӨЛӨВ

 

"Транспэрэнси Интернэшнл” байгууллагаас танилцуулсан 2017 оны "Авлигын төсөөллийн индекс”-ээр Монгол Улс 16 байр ухарчээ. Монгол Улсын хувьд авлигын индекс 2015 онд 39 оноотой 72, 2016 онд 38 оноотой 87, 2017 онд ийнхүү 36 оноотойгоор 103 дугаарт жагссан байна.

Сүүлийн хоёр жилийн хугацаанд 31 байраар ухарсан нь энэ бөгөөд хойш алхахад нөлөөлсөн нэг  шалтгаан нь төрийн институцууд болох аудит, шүүхийн  байгууллагуудын хараат бус байдал суларсан гэж үзжээ. Мөн авлигын томоохон хэргүүдийн шийдвэрлэлт удааширч, ял шийтгэлгүй өнгөрөх, авлигын улмаас улсад учирсан хохирол эргэн төлөгдөхгүй байгаа нь нийгэмд авлигын эсрэг тэмцэлд иргэдийн итгэл сулрахад нөлөөлсөн байна.  Дэлхий нийтээр авлигатай тэмцсээр байгаа хэдий ч  ихэнх улс орнуудын урагшлалт нь  хэт удааширчээ. Судалгаанаас харахад, авлигатай тэмцэх үйл ажиллагаанд дийлэнх орнуудад сүүлийн зургаан жилд ахиц дэвшил  гараагүй  аж. Цаашид хууль тогтоох  байгууллагууд нь улс төр бизнесийн бүлэглэлээс бүрдсэн авлигажсан бүлэглэлийн нөлөөнөөс ангид байх, энэ  төрлийн гэмт хэргийн мэдээлэгчийг хамгаалах хуулийг батлах ёстой. Хэвлэл мэдээлэл ба иргэний нийгмийг улстөрчдийн нөлөөлөл, дарамт шахалтаас ангид байлгах, хамгаалах тогтолцоог бүрдүүлэх зэрэг хууль зүйн орчин шаардлагатай гэнэ. Үүнээс гадна улс төрийн намууд  ба санхүүжилт  хууль сул байгаа нь авлигын нэг гол шалтгаан болж, төсвийн зарцуулалтад хариуцлага, ил тод, үр ашигтай байдлыг нэмэгдүүлэх нь нэн чухал судлаачид онцолжээ. Төрийн албан хаагчдыг ур чадварт суурилан томилж, улс төрийн томилгоо, нөлөөллийг таслан зогсоох, АТГ-ын байр суурийг ганхуулж, хууль зүйн орчныг сулруулахыг оролдох явдал ажиглагдах болсон гэдгийг тэмдэглэсэн байна.


ҮНДЭСНИЙ ШУУДАН

* /заавал/
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *
Click on the image to refresh the code if it cannot be viewed
өөр код авах бол зураг дээр дарна уу