|

Ирэх 5 жилд нефтийн эрэлт хэрэгцээ эрс нэмэгдэнэ

Ирэх 5 жилд нефтийн эрэлт хэрэгцээ эрс нэмэгдэнэ

 

Олон улсын эрчим хүчний байгууллага өчигдөр Америкийн Хьюстонд нефтийн зах зээлийн төсөөллийн тайлан гаргаж, ирээдүйн 5 жилд дэлхийн нефтийн эрэлт хэрэгцээ эрс нэмэгдэж, Хятад, Энэтхэгийн эрэлт хэрэгцээ нийт эрэлт хэрэгцээний тал хувийг эзлэх болно гэжээ.

Тав хоног хуралдах "Кембрижийн эрчим хүчний долоо хоног" хурал өчигдөр Америкийн өмнөд нутгийн Хьюстонд нээгдсэн байна.

Олон улсын эрчим хүчний байгууллагын захирал Фатин Бирол "Ирэх 5 жилийн нефтийн зах зээлийн төсөөллийн тайлан гаргаж, ирэх 5 жилд дэлхийн нефтийн эрэлт хэрэгцээ эрс нэмэгдэж, Хятад, Энэтхэгийн эрэлт хэрэгцээ нийт эрэлт хэрэгцээний тал хувийг эзлэх болно хэмээн Олон улсын эрчим хүчний газар төсөөлж байна гэж мэдэгджээ.

"ОПЕК-ийн гишүүн бус орнуудын нефтийн үйлдвэрлэлийн хэмжээ ч ирэх 5 жилд ихээр өсөхийн зэрэгцээ АНУ, Бразил, Канад, Норвегийн хэрэгцээ эрс нэмэгдэнэ. Занарын тосны үйлдвэрлэл тасралтгүй нэмэгдэж, нефтийн үйлдвэрлэл нэмэгдэх чухал эх үүсвэрийн нэг болно" гэж тайланд мөн тэмдэглэжээ.

"Заагийн цэг, шинэ эрчим хүчний ирээдүйн стратеги" сэдэвт тус хуралд улс орнуудын засгийн газрын болон эрчим хүчний салбарын төлөөлөл 3000 гаруй хүн оролцож байгаа аж.

М.Баяр

* /заавал/
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *
Click on the image to refresh the code if it cannot be viewed
өөр код авах бол зураг дээр дарна уу