|

Мэдлэгт нэмэр

Мэдлэгт нэмэр

 

Та хүүхдэдээ байр, машин авч өгөх гэж байдгаа барьж байна уу? Хүүхдийнхээ хувь заяаг өөрчлөх эрх танд хэн өгөв? Тусалж байгаа биш ус болж байгаагаа ухаарагтун. Дэмнэж тэтгэлгүй л яах вэ, өмч тасдан өгч, өвлөн дамжуулдаг ёсон буй боловч тэгтлээ бас тэгээ бүү алд. 

Өөрийн хүчээр, өөрийн хөлсөөр, өөрийн зовлонгоор, өөрийн ухаарал сэхээрлээр буй болгодог ууттай хишгийнх нь урдуур нь хөндөлдөн орж юундаа үрсээ хорлоно вэ, бид... 
Тэд чинь өөр өөрсдийн хувь хишигтэйгээ нартад ирсэн улс. Ямар хэмжээтэй хөеө цуглуулах хийгээд товлосон тохирсон цагалбартай жамыг бүү царцаа. Бүгдийг нь бүрэн бэлтгээд өгчихвөл цаана нь тэд ямар тэмүүлэлтэй амьдрах вэ... 
Тэд олохоо өөрсдөө олог, бүдэрч, босож бэхжиж хүн болж, хүн болсон хэргээ бүтээг. Бүхнийг нь урдуур орж гүйгээд бэлтгэж өгөөд байвал, лусын хааны хишиг нүдгүй өглөг болно.

Тэгэхээр үр хүүхдэдээ боломж олго.
Өглөө эртлэн босго. Өөрсдөөр нь жаргал зовлонг туучуул. Ухаажиг. Битгий гуутай бурхан шиг шүтэж шүншиглээд бай. Зүгээр л гүйлгэ, мөрөөдүүл. Мөнгөө алдаг, мөрөөдлөө олог, дахиад алдахгүй. Алдаа бол амжилтын угтвар. Аяа үүнийг эртлэн мэдрэгтүн. Өглөө унтаад босохгүй, үг ч даахгүй, өл ч даахгүй үлбэгэр үрс өндийж буй! Нүд хоосон, нөхөр дайснаа ч үл ялгах үе ирж буй!

Монгол гэрт амьдарч үзэг, мод түлээтэй ноцолдог. Даарч халууцаж дагжин чичирч үзэг. Гэрийн дээвэрт аадар нүдэхийг сонсог. Салхинд өрх дэрвэхийг чагнаг. 

Сэтгэл нь хатжиж, бие нь бэхжиж, билэг нь бадраг. Бүгдийг бүү тулга. Наршиж, цангаж, өлдөж үзэг. Өнгөтийн өнгийг мэдрэг. Өөрсдөө урдуур нь орж өмнөөс нь өстөн мэт бүү амьдар. Найзалж наргиж үзэг. Наадам зугаа хэтрэхийн гашуунг гартаа барьж үзэг. Яг л халуун зууханд хүүхэд гараа хүргээд татаж аваад ахин галд дөхдөггүйтэй ижил.
Бэлэн хоол, бэлэн байр машинаар булдах тусам битүү морьд хэвээр байх вий. Бэхжиж босохгүй, билэг авьяас нь задрахгүй ужигарна.

Битгий хүүхдүүдээ хорло. Би үүнийг хэлэх гэсэн юм.

* /заавал/
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *
Click on the image to refresh the code if it cannot be viewed
өөр код авах бол зураг дээр дарна уу