|

Зеленский Путинтэй уулзах санал тавьжээ

Украины Ерөнхийлөгч Владимир Зеленский ОХУ-ын төрийн тэргүүн Владимир Путинтэй Минск хотод уулзахыг санал болгож, уг уулзалтыг АНУ, Их Британи, Герман, Франц зуучлах ёстой гэж мэдэгджээ.

"Би ОХУ-ын Ерөнхийлөгч Владимир Путинтай уулзах хүсэлтэй байна. Бид хэлэлцээ хийх шаардлагатай юу? Тиймээ, шаардлагатай. Крым хэнд харааралтай, Донбасст хэн байхгүй байгаа талаар хэлэлцье” гэж В.Зеленский "Facebook” хуудсандаа нийтэлсэн дүрс бичлэгтээ хэлсэн байна. Мөн тэрбээр, уг хэлэлцээг АНУ-ын Ерөнхийлөгч Дональд Трамп, Их Британийн Ерөнхий сайд Тереза Мей, Германы Канцлер Ангела Меркель, Францын Ерөнхийлөгч Эмманюэль Макрон нар зуучлах хэрэгтэй хэмээн хэлжээ.

Украины Ерөнхийлөгч уулзалт болох газрын талаар хэлэхдээ, Беларусын Ерөнхийлөгч Александр Лукашенко биднийг Минскт хүлээн авбал баярлах болно хэмээгээд, бид ямар нэг зүйлийг өөрчилж, дипломат форматыг үгүйсгээгүй, харин уулзах санал тавьж байгаа гэдгээ онцолсон байна. "В.Зеленский сонгуулийн кампанит ажлынхаа үеэр өгсөн амлалтууддаа хүрвэл түүнтэй уулзах боломжтой” гэж ОХУ-ын Ерөнхийлөгч энэ сарын эхээр мэдэгдсэн билээ. 

Э.Хулан

* /заавал/
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *
Click on the image to refresh the code if it cannot be viewed
өөр код авах бол зураг дээр дарна уу