Тайландын өмнөд хэсэгт орших Прачуап Кири Кан мужийн Хуа Хин (Hua Hin) дүүрэг, Панг На (Phang Nga), Пукет (Phuket), Сурат Тани (Surat Thani), Транг (Trang) зэрэг мужид 2016 оны наймдугаар сарын 11-ний шөнөөс наймдугаар сарын 12-ны өглөө хүртэлх 12 цагийн хугацаанд нийт найман удаа дэлбэрэлт болсны улмаас дөрвөн хүн амь насаа алдаж, олон хүн гэмтжээ.

Дээрх нөхцөл байдалтай холбогдуулан Бангкок дахь Монголын ЭСЯ-наас монголчууддаа хандан амралт зугаалгаар явахдаа анхаарал, сонор сэрэмжтэй байж, онцын шаардлагагүй бол дээрх газруудад зорчихгүй байх, Бангкок хотод жуулчид олноор цуглардаг газар луу явахгүй байхыг зөвлөж байна.

 

Д.Од