|

Аймгийн ИТХ-ын дарга “Нийгмийн үйлчитлгээнд танд “аянд нэгдэв


Аймгийн Засаг даргын санаачилгаар амжиргааны баталгаажих төвшнөөс доогуур айл өрхийн иргэд рүү хандсан "Нийгмийн үйлчилгээг танд аян”-ыг 2015.11.12-ны өдөр эхлүүлсэн. Аяны хүрээнд зорилтот бүлгийн иргэдийг эрүүл мэндийн үзлэг, шинжилгээнд хамруулж, халуун хоол, дулаан хувцсаар хангах ажлыг зохион байгуулж байна.
 
Уг аяныг дэмжин аймгийн ИТХ-ын дарга П.Эрдэнэбат зорилтот бүлгийн 60 гаруй иргэдэд хувцас хандивлав. Аймгийн ИТХ-ын дарга Шинэ дархан олон улсын худалдааны төвийн лангуу түрээслэгчдийн дунд аян өрнүүлэх санаачилга гаргасан аж.
 
Бүх насны иргэдэд тохирсон шинэ хувцасыг өнөөдөр халамжийн мэргэжилтнүүд нас, хүйсээр тааруулж хувиарлах ажилд оролцож байна. Бараат хогийн цэгт амьдрах иргэдэд хувцас олгох ажлыг маргааш өрнүүлнэ.