|

ТЕГ: Улсын нууц мэдээлэл дамжуулсан ажилтнуудад 13 жилийн ял оноосон

Монголд тагнуул хийж байсан Тайванийн иргэн болон түүнд хоёр жил гаруй мэдээлэл дамжуулсан тусгай албаны ажилтнуудыг өнгөрсөн арванхоёрдугаар сард Голомт хотхоноос баривчилж байв. Хууль хяналтын байгууллагаас улсын нууцтай холбоотой асуудал учраас ямар шийтгэл оноосон талаар тодорхой мэдээлэл өгөхөөс татгалзаж байсан бол ТЕГ-аас дараах тайлбарыг өглөө.

Тагнуулын ерөнхий газраас мэдээлснээр "Тагнуулын байгууллагаас өнгөрсөн оны аравдугаар сард Монгол Улсын нутаг дэвсгэрт тагнуул хийж байсан гадаадын иргэн болон түүнтэй хамтран ажиллаж байсан манай улсын иргэдийн үйлдлийг илрүүлсэн Эрүүгийн хэрэг хянан шийдвэрлэх тухай хуульд заасан үндэслэл журмын дагуу саатуулсан. Улмаар тухайн этгээдүүдийн гэмт үйлдэлд холбогдуулан эрүүгийн хэрэг үүсгэн мөрдөн шалгах ажиллагаа явуулж, Баянзүрх дүүргийн Эрүүгийн хэргийн анхан шатны шүүхэд шилжүүлсэн.

Баянзүрх дүүргийн Эрүүгийн хэргийн анхан шатны шүүх хурал 2019 оны долдугаар сарын 22-ны өдөр болж, гадаадын иргэн "В”-д 13 жилийн хорих ял, Монгол Улсын иргэн "А”-д 13 жил гурван сар,  Монгол Улсын иргэн "М”-д 13 жилийн хорих ял тус тус оногдуулж, ялыг хаалттай хорих ангид эдлүүлэхээр шийдвэрлэсэн. Сүүлийн жилүүдэд гадаадын тусгай албадаас манай улсын иргэдийг хамтран ажиллахыг ятгах, хамтран ажиллахаар тохиролцох, улмаар хамтран ажиллаж төрийн нууцад хамаарах мэдээ, баримт, эд зүйлийг хулгайлуулах буюу дамжуулж авах тохиолдол гарах боллоо. Ялангуяа тэд манай төрийн өндөр албан тушаалтан, төрийн нууцыг итгэмжлэн хариуцсан, албан тушаал, ажил үүргийн хувьд мэдсэн этгээдийг ашиглах эрмэлзэлтэй байдаг” гэлээ.

Эх сурвалж: erennews.mn

* /заавал/
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *
Click on the image to refresh the code if it cannot be viewed
өөр код авах бол зураг дээр дарна уу