|

Их аваргууд Аки башёг манлайлна

Японы мэргэжлийн сумо бөхийн холбооноос есдүгээр сарын тэмцээн буюу Аки башёгийн чансаа болон оноолт /банцүкэ/-ыг зарлалаа. Дээд зиндаа буюу Макүүчид 71 дэх Их аварга Какүрюү М.Ананд, 69 дэх Их аварга Хакүхо М.Даваажаргал нар Зүүн, Баруун жигүүрийг урьдын адил тэргүүлэх юм байна. Есдүгээр сарын башё 8-22-ны өдрүүдэд Токио хотын "Рёогокү Кокүгикан” ордонд болно.

Их аваргуудын араас Oзэки Tакаясү, Гоэйдо, Toчиношин, Сэкиваке Mитакэүми, Taкакейшёо, Kомүсүби Aби, Эндо, Хокүтофүжи нарын цолтнууд бичигджээ. Мөн Ичиножёо А.Ичинноров маэгаширагийн зүүний хоёрт, Taмаваши Б.Мөнх-Оргил зүүний дөрөвт, "Оитэказе” дэвжээний бөх Дайшёохо Ч.Шижирбаяр барууны 12-д, "Таманой” дэвжээний бөх Азүмарү С.Тодбилэг барууны 15-д тус тус эрэмбэлэгдсэн байна. Макүүчи зиндаанд ийнхүү Монголын зургаан бөх хүчээ сорих юм.

Аки башёд нийт Монголын 23 бөх барилдахаар Банцүкэд багтсан байна. Тодруулбал, Жүрёо зиндаанд тав, Макүшита зиндаанд найм, Сандамэ зиндаанд гурав, Жонокүчи зиндаанд нэг монгол бөх тус тус хүч үзнэ.

Д.Өлзийсайхан

* /заавал/
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *
Click on the image to refresh the code if it cannot be viewed
өөр код авах бол зураг дээр дарна уу