|

Дэлхий дээр амьтан, ургамлын 1 сая төрөл зүйл устах аюулд хүрээд байна

Дэлхий дээр амьтан, ургамлын 1 сая төрөл зүйл устах аюулд хүрээд байна

 

НҮБ-ын эрдэмтэд дэлхий даяар амьтан ургамлын 1сая гаруй төрөл зүйл мөхөх аюултай нүүр тулсныг тогтоосон биологийн төрөл зүйлд хийсэн анхны иж бүрэн тайланг танилцуулжээ. Эрдэмтэд өнөөдөр байгаль дэлхий хүн төрөлхтний түүхэнд байгаагүйгээр хамгийн хүнд цаг үед ирснийг анхааруулж байна.

Энэ тайлангаар хүн төрөлхтний өмнө амьтан ургамлыг хамгаалах зайлшгүй цаг үе ирснийг сануулаад зогсохгүй дэлхий ертөнц хүн амьдрахад улам бүр хэцүү болсныг онцгойлон харуулж байна. Тухайлбал хүн амьдрахад байгалиас заяагдсан 18 арга зам байдгын 14 нь хомсдож байна, тухайлбал хоол хүнс, эрчим хүчний эх үүсвэр мэдэгдэхүйц түвшинд буурч байгаа юм байна. Мөн байгалиас хүнийг амьдруулахад шаардлагатай цэвэр агаар, цэвэр ус, эрүүл хөрс болон бусад эх нөөц, түүний хүчин чадал буурах хандлага ажиглагджээ. Хэрвээ дэлхий нийт өнөөгийн чиг хандлагаараа хүнс, эрчим хүчээ үйлдвэрлээд яваад байвал, хүний амьдрах орчныг бүрдүүлдэг байгалийн төрөл зүйлээ устгаж, дэлхийн цаг уур өөрчлөгдөнө гэдгийг судалгааг хийсэн эрдэмтэд нэг дуугаар тэмдэглэсэн байна.

Гэхдээ хүн төрөлхтөн өмнөө тулгарсан энэ асуудлыг шийдвэрлэхэд нэг их оройтоогүй, залруулах боломж бий гэдгийг тайланд онцолжээ. Өөрөөр хэлбэл дэлхийн бүх засгийн газрууд, хувийн хэвшлийнхэн, олон нийтээс нэгдмэл нэг шийдэл гаргах шаардлагатай. Өнөөгийн бидний өмнө тулгарч буй хамгийн том аюул болох амьдрах орны хомсдлыг зогсоох, сааруулахад улс орнууд хүнс үйлдвэрлэх, эрчим хүч гаргах, цаг уурын өөрчлөлттэй тэмцэх, хог хаягдлаа дахин боловсруулах зэргийг одоогийн арга техникээсээ өөрчлөх нь чухал юм байна.

* /заавал/
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Код: *
Click on the image to refresh the code if it cannot be viewed
өөр код авах бол зураг дээр дарна уу